Í þessum fyrsta heimilisfræðitíma vetrarins, kynnast krakkarnir í skólanum nýja heimilifræðikennaranum sínum henni Hrefnu.
Að þessu sinni er Hrefna með hrekkjavökuþema í heimilisfræðinni þar sem krakkarnir útbúa þjóðlegan rétt, með hrekkjavökuívafi.
Krakkarnir ferðast hinumeginn á hnöttinn og kynnast Japanskri matarmenningu, þegar þau læra að búa til Sushi.
Ástralía verður fyrir valinu að þessu sinni en einn vinsælasti eftirrétturinn þar í landi er Lamington kaka eða Lammo.
Það eru að koma jól og krakkarnir drógu Ísland. Þá er ekkert í stöðunni nema búa til Jóla-Ís.
Krakkarnir mæta í fyrsta heimilisfræðistímann eftir áramót og Póland verður fyrir valinu. Þau læra að elda pierogi sem getur bæði verið eftirréttur og aðalréttur.
Krakkarnir læra að elda spænska tortillu.
Í síðasta þætti vetrarins velur Hrefna að gera eitthvað öðruvísi með krökkunum. Í tilefni páskana fá krakkarnir að skreyta egg með mismunandi aðferðum.
Viktoríu svampkaka var mjög vinsæl á Viktoríutímanum en hún var nefnd eftir Viktoríu Bretadrottningu þar sem þetta var talið hennar uppáhalds kaka.
Í dag búa krakkarnir til víkingabrauð og víkinga blóðbrauð! Víkingabrauð var bakað á Víkingaöld sem var frá 800-1050. Brauðið er einfalt en það var búið til úr því korni sem var til hverju sinni og vatni. Stundum var hunang sett ofan á brauðið til að bragðbæta það en öðrum stundum var dýrablóð sett í deigið til að auka næringargildið.
Á miðöldum gengu börn á milli húsa, oft klædd í búning, sungu eða fóru með bænir og fengu í skiptum sálarkökur. Þessi siður var kallaður að sála.
Skyndibiti ruddi sér til rúms á 6. áratug 20. aldar og ef þú varst í vafa um hvað ætti að vera í matinn þá settirðu það í hlaup!
Í dag baka krakkarnir köku og fela í henni bein. Næst grafa þau beinin upp úr kökunni líkt og fornleifafræðingar.