Die span verlaat Matjiesfontein na Bosch Luys Kloof om in die Gamkaskloof en Die Hel af te kyk. Seweweerkspoort neem hulle deur die Swartberge na Amalienstein en Zoar, en dan na Hoeko, geboorteplek van CJ Langenhoven. In Ladysmith besoek hulle twee kaasfabrieke en die wynkelder, Makadas en die Otto Hager-kerk. Dan reis hulle na die Hessequa met die Tradouwpas, Riverdale, Hebertdale en Buysplaas. Die week word op Vleesbaai afgesluit.