Die besoek aan Colombia begin met danslesse in Cali – die salsa-hoofstad van die wêreld. Die stad, met sy bekende Cali Cats, word verken voordat die span die suikerlandgoed besoek waar Jorge Isaacs sy bekende roman “Maria” geskryf het. In Buga besoek die span die Basilica of the Lord of Miracles. Net voor die span vir die aand by hul kampterrein sou aankom, was een van die Cruisers in 'n ernstige ongeluk betrokke – dit is die eerste padongeluk vir Voetspore in 23 jaar. Stefan en Norbert ontsnap met ligte beserings, maar die Cruiser is ernstig beskadig.