Jón Hjaltalín, bæjarstjóri í smábæ á Vesturlandi, og Torfi, bróðir hans, áforma að kaupa gamlan togara og hefja útgerð. Þegar bankamenn frá Reykjavík mæta á svæðið til að ganga frá samningnum kemur þó babb í bátinn.
Ári síðar er landið allt í lamasessi vegna verkfalls fiskveiðimanna. Harpa og Grímur eru á milli steins og sleggju og verða að velja á milli þess að gerast verkfallsbrjótar eða drukkna í skuldum.
Vinahjónin, ásamt Jóni Hjaltalín, grípa til örþrifaráða til að laga kvótakerfið að þörfum sínum. Á meðan heldur baráttan um eignarhaldið á fiskinum áfram í bæjarfélaginu.
Smári, rannsóknarblaðamaður frá Reykjavík, vinnur að grein um Hörpu og leitar að vísbendingum um tengsl hennar við Jón Hjaltalín.
Harpa og Grímur ganga á fund forsætisráðherra í von um að fá aukinn kvóta til að halda útgerðinni gangandi. Tinna snýr aftur til bæjarins og hefur sín eigin áform.
Hjónaband Hörpu og Gríms er í uppnámi. Á meðan þau vinna í sínum málum sendir Harpa Einar og Freydísi um landið í leit að smærri bátum til að kaupa. Smári er enn með Hörpu undir smásjánni.
Teymið hittist allt til að gera upp málin yfir aðeins of mörgum drykkjum.
Bærinn er í uppnámi eftir nýjustu atburði og allra augu beinast að Hörpu. Á sama tíma mætir Smári á svæðið.
Þáttur þar sem skyggnst er bak við tjöldin við gerð Verbúðarinnar. Dagskrárgerð: Bragi Þórðarson.
